Friday, January 16, 2015

ግንቦት 7 እና አርበኞች


የልደት በአል በዋለበት ማለዳ ለመናፈስ ያህል ወደ ጎዳና ሃርነት ብቅ ብዬ ነበር። የማውቀው ሰው አቆመኝና ስለ ኢትዮጵያ የፖለቲካ ተቃዋሚዎች ወግ አነሳ። እንዲህ ስል ጠየቀኝ፣   
“የግንቦት 7 እና የአርበኞች ግንባር ሰዎች አስመራ ገብተዋል የሚባለው እውነት ነው?”
“ጊዮርጊስን! አልሰማሁም!”
“ኢንተርኔት ላይ’ኮ ወጥቶአል።”       
“አሃ! ሜዲያ ላይ ወጥቶአል እንዴ?” አልኩ፣ “...እንደሱ ከሆነ ሰምቻለሁ።” 

የብእር ጦርነት



ፊስቡክ ላይ በስሜ አካውንት ከፍተው፣ አሉባልታና ጥላቻን እየፃፉ በኔ ስም የሚያሰራጩ የሳይበር አርበኞች ተከስተዋል። ከጃዋር መሃመድ ጋር በዚሁ ጉዳይ በስልክ ተነጋግረንበት ነበር። ይህን የሚፅፉት ከወያኔ ጋር ግንኙነት ሊኖራቸው የሚችሉ ኦሮሞዎች መሆናቸውን ጠቁሞኛል። ይህ የሚያስገነዝበኝ ሰዎቹ አሳቦችን በአሳብ መመከት አለመቻላቸውን ነው።

Sunday, January 11, 2015

የአለሙ አጋ ትንቢት?



ባሳለፍነው የገና ፆም ሰሞን የአለሙ አጋን የበገና ዜማዎች እየሰማሁ ስፆምና ሰጸልይ ሰንብቼ ነበር። ከዜማዎቹ ሁሉ የሚከተሉት ስንኞች ትኩረቴን ለመሳብ በቁ፣

ይበላሃላ! ይበላሃላ!
አንተንም አፈር ይበላሃላ!
እንደ ሞኝ ሰው - እንደ ተላላ

በላው አፈር...
ያንን አንድነት - ያንን ባህል - ያንን ፍቅር
በላው አፈር...
ያንን ታሪክ - ያንን ዘመን - ያንን አገር
በላው አፈር...
ያስተማረህን - ያንን ምሁር
በላው አፈር...
ያንን የዋህ ሰው - ያንን ገበሬ
በላው መረሬ...በላው መረሬ

አንተንም አፈር ይበላሃላ!
አንቺንም አፈር ይበላሻላ
እንደ ሞኝ ሰው - እንደ ተላላ

አለሙ አጋ በበገና ዜማ ያዜመው ከሃምሳ አመታት በፊት ነበር። እውነት ነው፤ ያ ዘመን፣ ያ ታሪክ፣ ያ አገር ዛሬ የት አለ? ብለን ስንጠይቅ“አለሙ አጋ ነቢይ ነበርን?” ለማለት እንገደዳለን። ይህን በመሞነጫጨር ላይ ሳለሁ የጣይቱ ሆቴል በእሳት ሲቃጠል በቴሌቪዥን ይታየኝ ነበር። “አፈር የበላው ቅርስ” የሚል አባባልም ወደ አእምሮዬ መጣ።

Monday, January 5, 2015

የሌንጮ ለታ መንገድ


ከተስፋዬ ገብረአብ (Gadaa)

ቦ ሌንጮ ለታ ለ2015 ምርጫ እየተጓዘ ነው። በባላንጦቹ እጅ ወደ ወደቀች አባት አገሩ እየተጓዘ ነው።ከዚሁ ዜና ጋር በተያያዘ ከብዙ የፖለቲካ ሰዎች ጋር ተወያይቼአለሁ። ሌንጮ መግባቱን በጥብቅ የሚደግፉ አሉ። በጥብቅ የሚቃወሙም አሉ። ሁለቱም ወገኖች አሳማኝ የሚመስል ትንታኔ ያቀርባሉ።

“ሌንጮ ማድረግ የመቻል አቅሙ ከፍተኛ በነበረበት ዘመን እድሉ አምልጦታል። አሁን ወደ አገር ቤት ቢገባም ባይገባም ተፅእኖ ማሳደር ስለማይችል ለውጥ አያመጣም።” በሚል ግዴለሽ የሆኑም አጋጥመውኛል።

ከአመታት በፊት ጀምሮ በሌንጮ ጉዳይ ላይ ስፅፍ ቆይቻለሁ። ከፃፍኳቸው መፃፅፎች መካከል፣ “የቤተመንግስት ሹክሹክታ” የሚለው ሊጠቀስ የሚችል ሲሆን፣ ትረካው ሌንጮ ኦህዴድን በርካሽ ዋጋ ሊገዛ ከወያኔ ጋር መደራደሩን ይጠቁም ነበር። ከሹክሹክታና ከግምት በቀር አሁንም ቢሆን ሌንጮ ምን ጥቅም ለማግኘት ወደ ኢትዮጵያ እንደሚገባ በትክክል አልተነገረንም። በመሆኑም በዚህ መፃፅፍ አንዳንድ ነጥቦችን በጨረፍታ አነሳለሁ...

Wednesday, December 31, 2014

የማልረሳት አበሻ



(ይህን ታሪክ የሰማሁት ከኒውዮርክ ወደ ዋሽንግተን ዲሲ በአውቶብስ በመጓዝ ላይ ሳለሁ ሲሆን፤ የታሪኩ ባለቤት አውቶብሱ ላይ ተሳፍሮ ነበር። እኔ ባላውቀውም እሱ በመፅሃፎቼ ያውቀኝ ኖሮ በቀላሉ መግባባት ቻልን። ወግን ወግ እያነሳው ብዙ ተጨዋወትን። እነሆ! የመንገድ ላይ ወዳጄ እንደዋዛ ያጫወተኝን ታሪክ በኔው ብእር ልተርክላችሁ...)
•••
በሰማንያዎቹ አጋማሽ አንዲት አሪፍጓደኛ ይዤ ነበር። አስታውሳለሁ! ነጋ - መሸ ተያይዞ መክነፍ ብቻ ሆነን ነበር። በቁሜ ገነት የገባሁ እስኪመስለኝ የፍቅርስሜቷን ሁሉ ያለ ስስት ሰጠችኝ። ስራዬን እስክዘነጋ ሆንኩ። አሳቤ ሁሉ ስለርሷ ሆነ። ደግነቱ በወቅቱ የምሰራበት የኮንስትራክሽን ድርጅት ስራው ቀዝቅዞ ‘የት ነበርክ? በየት ወጣህ?’ ብሎ የሚቆጣጠር አለቃ አልነበረኝም።